У сталіцы сёння прэзентавалі новы электрамабіль

10 Сакавіка 2020
Эканамічны, экалагічны і суперсучасны.  Экатранспарт кітайскага аўтавытворцы закупіў завод "БелДжы". Пакуль усяго чатыры экзэмпляры. Такая невялікая колькасць абумоўлена, першым чынам, вывучэннем попыту ў беларусаў на экамабілі. Зрэшты, з кожным годам на дарогах нашай краіны ўсё больш з'яўляецца машын, якім не патрэбны  бензін. 

Сёння ў Беларусі каля 350 электракараў, столькі ж  "зарадак" для гэтых машын. Больш за ўсё аўтаразетак у сталіцы (100). 

Электразапраўкі - 350, 100 у Мінску.

Станцыі зарадкі дзеляцца на хуткія і павольныя. Першыя здольныя ўсяго за 7 хвілін заправіць аўто на 35 кіламетраў прабегу. Другія за гадзіну толькі на 30 кіламетраў. 

Што ж да  эканоміі электракараў у параўнанні са звыклымі аўто, то яна відавочная. Для прыкладу возьмем электракар з батарэяй на 100 кілават. Поўнай зарадкі хапае на 450-500 км. Прыкладны кошт адной запраўкі - 30 рублёў. Сярэдні расход  95-га бензіну - 8 літраў на 100 км - на гэту ж адлегласць спатрэбіцца  72 рублі. 

Расход  паліва:  электра - 500 км за 30 руб., бензін - 500 км за 72 руб.

Пры такім жа гадавым сярэднім расходзе бензінавая машына абыдзецца  1300 рублёў, пры штодзённым 40-кіламетровым прабегу. А электракар - 540. Вось і атрымліваецца, што адзін экамабіль скарачае расход на карыстанне асабістым аўто амаль у тры разы.

Гадавы расход: электра - 540 руб., бензін - 1300 руб. 

На прэзентацыі электранавінкі  пабывала і наша здымачная група. Першыя ўражанні ад аўто і самае цікавае - заяўленыя характарыстыкі мадэлі і перспектывы рынку экатранспарта - у аглядзе Аляксандра Хараўца (відэа).