Да перамоў у Крамлі лідары Беларусі і Расіі прынялі ўдзел у пленарным пасяджэнні 4-га Форуму рэгіёнаў Беларусі і Расіі. Гэты дзелавы кангрэс сёлета апынуўся асабліва паспяховым з камерцыйнага пункта гледжання.
На пляцоўцы экспацэнтра Беларусь і Расія заключылі кантракты на 450 мільёнаў долараў. Дамовы носяць глабальны характар і пашыраюць кааперацыйнае супрацоўніцтва паміж дзвюма краінамі. Галоўная тэма форуму - будучыня. Мінск запрашае расійскія хай-тэк-кампаніі, навуку і капітал да ўдзелу ў беларускай інавацыйнай праграме да 2020 года, а таксама ўмацавання дзеючых і стварэння новых сумесных навуковых школ, цэнтраў і лабараторый для маладых навукоўцаў. Нас цікавяць атамныя тэхналогіі, касмічныя праграмы, генетыка, біятэхналогіі і IT. Гэта тыя сферы, дзе ў саюзнікаў наймацнейшыя пазіцыі ў свеце.
Беларусь у супрацоўніцтве з Расіяй робіць акцэнт на ўзаемадапаўненні нашых магчымасцяў. У рамках Саюзнай дзяржавы ўжо рэалізавана больш за 40 сумесных навукова-тэхнічных праграм у самых розных сферах. Па выніках чарговага форуму рэгіёнаў падпісана амаль 80 пагадненняў рознага ўзроўню - ад раённага да рэспубліканскага і федэральнага.
