Развіццё інавацый і павелічэнне інвестыцый у беларускую эканоміку. Індустрыяльны парк "Вялікі камень" і Міжнародная фінансавая карпарацыя сёння падпісалі мемарандум аб паразуменні. Сумесна бакі будуць працаваць над прыцягненнем стратэгічна важных рэзідэнтаў парка, дапамагаць стартапам шукаць фінансаванне. Дарэчы, першыя праекты ўжо ў стадыі распрацоўкі.
Аляксандр Ярашэнка, кіраўнік адміністрацыі Кітайска-беларускага індустрыяльнага парка "Вялікі камень": "Сама Міжнародная фінансавая карпарацыя ўчора заявіла аб некалькіх праектах. Мы спадзяемся на тое, што першыя вынікі будуць ужо ў найбліжэйшы час. З нашага боку мы хацелі б бачыць актыўны ўдзел гэтай карпарацыі ў пілотных праектах дзяржаўна-прыватнага партнёрства".
Міжнародная фінансавая карпарацыя - адзін з найбуйнейшых інвестараў у развіццё прыватнага сектара ў Беларусі. На сённяшні дзень МФК інвесціравала больш чым 270 мільёнаў долараў у доўгатэрміновае фінансаванне праектаў.
