Мы прапаноўваем ісламскай рэспубліцы стварыць на яе тэрыторыі сучаснае сельгаспрадпрыемства. Як адзначыла кіраўніцтва профільнага міністэрства на сустрэчы з калегамі з Пакістана, новая вытворчасць можа стаць базавай пляцоўкай для падрыхтоўкі кадраў АПК. Беларусь гатова падзяліцца напрацоўкамі па стварэнні аграгарадкоў.
Ахмад Джаміль, намеснік міністра нацыянальнай харчовай бяспекі і даследаванняў Пакістана: "Доля сельскай гаспадаркі ў эканоміцы Пакістана 60%, таму сродкі механізацыі гэтай галіны вельмі важныя для нашай краіны. І яны ёсць у вас. Мы пераканаліся, што ў Беларусі вырабляецца шмат прадуктаў з высокай дабаўленай вартасцю. Пакістан настроены развіваць такі напрамак і ў сябе. Зараз аснову беларускага экспарту ў Пакістан складае сухое дзіцячае харчаванне. Мы зацікаўленыя ў павелічэнні аб'ёмаў гэтых паставак".
У жніўні пройдзе другі беларуска-пакістанскі сельскагаспадарчы форум. Там партнёры плануюць падпісаць дарожную карту супрацоўніцтва ў сельскай гаспадарцы.
