Работа па даручэнні Кіраўніка дзяржавы завершыцца ў тэрмін, запэўнілі ў Мінэканомікі.
І да 1 кастрычніка дакументы могуць быць прынятыя і ўступіць у дзеянне. Ведамства адказвае за некалькі пазіцый у пакеце нарматыўна-прававых актаў. Так, указ па ліцэнзаванні прадугледжвае значнае скарачэнне пераліку відаў дзейнасці, якія ліцэнзуюцца. Яшчэ адзін дакумент прадугледжвае абнаўленне і ўзмацненне функцый савета па развіцці прадпрымальніцтва.
Усяго максімальна спрыяльныя ўмовы будуць створаны для больш чым 20-ці відаў дзейнасці. Адзін з іх - вытворчасць адзення. З абавязковых патрабаванняў у гэтым сегменце пакінуць толькі тыя, якія павінны забяспечыць спажыўцу якасць паслуг.
Пётр Арушаньянц, дырэктар дэпартамента па прадпрымальніцтве Міністэрства эканомікі Беларусі:
"Я хацеў бы адзначыць дэкрэт па развіцці прадпрымальніцтва як ключавы дакумент пакета нарматыўна-прававых актаў. Ён прайшоў адкрытае абмеркаванне і атрымаў падтрымку ад дзелавой супольнасці. Практычна кожная норма, кожны абзац абмяркоўваліся асобна. Было шмат спрэчак, але мы ўрэшце прыйшлі да агульнай аптымальнай пазіцыі".
Знайшла водгук і ініцыятыва прадпрымальнікаў па стварэнні гарантыйнага фонду, які дазволіць гасіць праблемныя актывы. Гэтая прапанова таксама ўнесена ў пакет дакументаў па спрашчэнні вядзення бізнесу. У Мінэканомікі запэўнілі, што першыя гарантыі пачнуць выдаваць да канца года, зараз ідзе актыўная работа па пошуку банкаў-партнёраў.