Аграрыі актывізавалі працу па сяўбе азімых. Працуюць нават уначы. Раннія халады і моцныя дажджы запаволілі тэмпы ўборкі бульбы, цукровых буракоў і кукурузы на сілас. Зараз, калі надвор'е стабілізавалася, спецыялісты сельгаспрадпрыемстваў працуюць дзве змены. Задача - паспець пасеяць азімыя на працягу тыдня.
Для павышэння эфектыўнасці працы ў кожнай вобласці арганізаваны спецыяльныя тэхнічныя групы. У складзе найлепшыя інжынеры, механізатары і аграномы. Яны кантралююць працу гаспадарак і даюць рэкамендацыі.
