Агульны каравай на сёння важыць амаль паўтара мільёна тон

Аграрыі Мінскай вобласці ўтрымліваюць лідарства па ўборцы збожжавых. Агульны каравай на сёння важыць амаль паўтара мільёна тон. Убрана каля 85 % плошчаў. Найбольшы намалот на поўдні рэгіёна.

Сярод 22 раёнаў  самы вялікі ўраджай у Нясвіжскім  - 131 тысяча тон. На другім месцы хлебаробы  Слуцкага. У іх больш за 123 тысячы. Бронзу за намалот утрымлівае Капыльскі раён. Тут аграрыі сабралі 117 тысяч тон збожжа.

Што наконт ураджайнасці, лідзіруе таксама Нясвіж, дзе атрымліваюць 60 цэнтнераў з гектара. У тройцы лідараў Дзяржынскі (тут 50) і  Клецкі раён (48 цэнтнераў з гектара). Сярэдняя ўраджайнасць па вобласці 34 цэнтнеры з гектара.