Аб перспектывах супрацоўніцтва па лініі Мінск - Тбілісі сёння гаварылі ў Палацы Незалежнасці

23 Жніўня 2019

Прэзідэнт сустрэўся з прэм'ер-міністрам Грузіі. Як адзначыў Аляксандр Лукашэнка, літаральна за апошнія некалькі гадоў  краіны сталі значна бліжэйшыя адна да адной. Пацвярджэнне і рэзкі скачок тавараабароту да 100 мільёнаў. А  раней  нават было цяжка ўявіць,  што лічба дасягальная. Далей больш. Дзяржавы скіраваны вынік падвоіць. Беларускія ініцыятывы сустракаюць аператыўную і ўсебаковую падтрымку ад Грузіі. Мы таксама гатовыя да рэалізацыі ўзаемавыгадных праектаў, прапанаваных нашымі партнёрамі. Сёння бакі пацвердзілі намеры прадоўжыць актыўна і інтэнсіўна развіваць двухбаковыя адносіны. Якія праекты зусім хутка папоўняць агульны гандлёвы кошык дзвюх краін? Вераніка Бута працягне. 

На пасадзе прэм'ер-міністра амбіцыйны палітык крыху больш за год. На такой высокай пасадзе ў Мінск прыязджае ўпершыню, хоць крыху пазней прызнаецца, насамрэч ён часты госць нашай краіны. Таму вывучаць нюансы супрацоўніцтва па лініі Беларусь - Грузія яму доўга не прыйшлося, сітуацыяй добра валодае. Інвестыцыі ў адукацыю і інавацыі, адкрыты дыялог з Захадам, мірнае ўрэгуляванне канфліктаў - гэта галоўныя прыярытэты ў кар'еры Мамука Бахтадзэ.  Іх, дарэчы, доўгія гады прытрымліваецца і Беларусь. У краін сапраўды шмат агульнага. 

Агульныя і капрызы надвор'я. Дыялог пачынаецца зусім не па пратаколе. Госць адзначае, як прыемна прыехаць у сонечны Мінск. Аднак беларусы ведаюць, сёлета лета нас зусім не песціць. Свой характар надвор'е неаднаразова паказвала і ў Грузіі. Арыентаваны   абедзве краіны  на сельскую гаспадарку. 

І калі да надвор'я сапраўды нашым аграрыям прыходзіцца пастаянна прыстасоўвацца, у дыялогу паміж Беларуссю і Грузіяй усё адкрыта і дальнабачна. Трывалы падмурак у двухбаковых адносінах закладзены даўно. Сяброўства народаў і ўзаемаразуменне на вышэйшым узроўні - гарантыя партнёрскай будучыні. 

Мамука Бахтадзэ, Прэм'ер-міністр Грузіі: "Для мяне вялікі гонар быць у Рэспубліцы Беларусь. Калі я працаваў у прыватным сектары, быў прывілей на беларускай зямлі. З 2015 года з першага візіту  дало стымул нашым адносінам. Хачу падзякаваць вам за прынцыповую падтрымку нашай тэрытарыяльнай цэласнасці і суверэнітэту. Грузінскі народ гэтага ніколі не забудзе".

Сапраўды, паміж нашымі краінамі апошнія гады вызначылася тэндэнцыя актыўных кантактаў на ўсіх узроўнях, у тым ліку і на вышэйшым. Галоўнае, палітычны дыялог канвертуецца ў эканамічную выгаду. 

Так, другі візіт беларускага лідара ў Тбілісі ў мінулым годзе - гэта шматмільённыя кантракты, праекты ў прамысловасці, АПК, адукацыі, ахове здароўя і доўгачаканы бязвіз. 

Усё часцей гасцямі нашай краіны становіцца і палітычная эліта Грузіі. Ад Прэзідэнта і прэм'ера да парламентарыяў і бізнесу - усе пачынаюць гаварыць пра супрацоўніцтва Мінска і Тбілісі з аптымізмам. 

Чарговыя цяперашнія супярэчнасці паміж Расіяй і Грузіяй, вядома, адбіліся на эканоміцы апошняй, што адбілася і на нашым тавараабароце: крыху недабралі да ўзроўню мінулага года. Абарот у гандлі паслугамі насупраць дадае, у першую чаргу за кошт турызму. 65 тысяч беларусаў у 2018 выбралі для адпачынку Грузію. 

Міхаіл Мятлікаў, Надзвычайны і Паўнамоцны Пасол Беларусі ў Грузіі: "Гэта не толькі адпачынак на моры ў Батумі, але і гарналыжныя курорты, гастранамічны турызм. Вельмі вялікі аб'ём паслуг ідзе з боку нашых транспартных кампаній. У нас выдатны рост медыцынскіх, адукацыйных паслуг. Тэмпы росту - каля 25 %".

Задачу па нарошчванні ўзаемнага тавараабароту як нельга лепш вырашае прамысловая кааперацыя. Так, сёлета ў Тбілісі з канвеера ўжо сышлі першыя беларускія ліфты грузінскай зборкі. Пакуль могуць выпускаць каля 400 ліфтаў за год. Разлічваюць, вытворчасць дадасць у агульную скарбонку прыкладна 2 мільёны долараў. Перш за ўсё пад'ёмныя машыны забяспечаць патрэбнасці мясцовага рынку: запыт як мінімум на 25 тысяч. З іх 7 тысяч толькі ў сталіцы. Далей хочуць выйсці на Абхазію і Арменію і пашырыць вытворчыя магчымасці. 

Добра ў Грузіі знаёмыя і з беларускім аўтапрамам. З самага першага дня тут працуюць нашы БелАЗы, зарэкамендавалі сябе цягнікі "Штадлер", збожжаўборачныя камбайны. Літаральна з пачатку наступнага года на дарогах Батумі пачнуць курсаваць электробусы Белкамунмаш - на днях кампанія выйграла тэндэр на пастаўку 8 машын. 

Вывучаюць магчымасць пакупкі камунальнай і грузавой тэхнікі МАЗ. Гасцям сёння паказалі ўсю лінейку машын. Пастаўкі беларускай прадукцыі ў закаўказскую краіну ўжо паспяхова наладжаныя. Зараз галоўная задача - павялічыць аб'ём экспарту. 

Валерый Іванковіч, генеральны дырэктар ААТ МАЗ - кіруючая кампанія холдынгу "БелаўтаМАЗ": "Сёння ёсць фінансавыя інструменты, якія дазволяць прасоўваць нашу тэхніку ў сумежныя краіны, якім цікава наша прысутнасць, якія памятаюць гістарычна працу нашых машын. Таму пасля пэўнага этапа пытанні кааперацыі, пытанні вытворчасці ўзнікнуць самі сабой ва ўмовах узаемнай цікавасці".

Так, напрыклад, з сакавіка ў Тбілісі ўжо пачалі збіраць трактары малой магутнасці - убачылі ў гэтым патрэбнасць. У Грузіі адраджаюць сельскую гаспадарку. 

Леван Давіташвілі, міністр аховы навакольнага асяроддзя і сельскай гаспадаркі Грузіі: 

"Ведаем, што тэхніка надзейная. Вельмі папулярная ў нас, у Грузіі, таму мы ўжо ведаем беларускую тэхніку. Тут усё на заводзе ўражвае, усё сучаснае, выглядае вельмі добра. Можна сказаць, што дзесьці 50-60 працэнтаў усяго трактарнага парка Грузіі - гэта беларуская тэхніка, так што гэта трэба абнаўляць".

У лістападзе ў Грузіі пройдзе сельскагаспадарчая выстава. Там як раз нашы прадпрыемствы змогуць прадэманстраваць навінкі айчыннай тэхнікі і знайсці новых пакупнікоў на будучы аграрны сезон. Планы на наступны год паглыбіць партнёрства ў фармацэўтыцы, там, дарэчы, ужо пачалі фасаваць беларускія лекі. Пакуль вынік двухбаковага супрацоўніцтва 113 млн долараў. Ад мэты ў хуткай будучыні лічбу падвоіць, запэўніў кіраўнік знешнепалітычнага ведамства, дзяржавы не адмаўляюцца. 

Галоўны брэнд, які ўварваўся на грузінскі рынак і толькі ўмацоўвае свае пазіцыі, - гэта нашы прадукты. Зараз бліжэй да закаўказскіх вынаходстваў стануць і беларусы. Заўтра адкрыецца першы Гандлёвы дом Грузіі ў Беларусі. Ёсць дамоўленасць арганізаваць у нас і фасоўку грузінскага чаю. У дэталях кожны праект сёння абмеркавалі і ў Доме ўрада. Ад паставак тэхнікі да сумесных праграм у галіне адукацыі і аховы здароўя. 

А гэта месца, дзе каларыт Грузіі ўжо можна паспрабаваць на густ, не пакідаючы Мінска. Хінкали, хачапуры, сацыві, чашушулі або кучмачы - нацыянальныя стравы грузінскай кухні ў гэтым рэстаране гатуюць ужо пяць гадоў. Яго гаспадар у Беларусь прыехаў намнога раней - амаль 30 гадоў таму. Тут скончыў Горацкую сельскагаспадарчую акадэмію, ажаніўся, выхаваў дзвюх дочак і ўжо стаў дзядулям. Гасцей рэстарана, гаворыць, сустракаюць заўсёды цяпло і па-сямейнаму, гэтак жа, як і самога Джамбула Убілаву некалі прыняла Беларусь. Аб БелаГрузіі - так назваў сваю падвойную радзіму - гатовы гаварыць гадзінамі.

Ужо заўтра гэты куток сталіцы акунецца ў асаблівую грузінскую атмасферу. Багацце нацыянальных страў ад лепшых кухараў, палымяныя рытмы традыцыйных і сучасных матываў і сапраўднае беларуска-грузінскае вяселле. Што яшчэ лепш можа прадэманстраваць адносіны дзвюх краін, калі не дружба паміж  іх народамі. "Тбілісоба" гэты тэзіс пацвярджае ўжо пяты раз.

А ў сакавіку будучага года ў Беларусі і Грузіі будзе гістарычны шанц упершыню быць прадстаўленымі на чэмпіянаце Еўропы па футболе. У паўфінале Лігі нацый у дывізіёне D сыдуцца нацыянальныя зборныя абедзвюх краін. Далей пройдзе хтосьці адзін. Але, нягледзячы на вынік, каманды парадуюцца адна за адну. Бо ў нашых краін саперніцтва толькі на полі. За яго межамі   дэманструем толькі супрацоўніцтва.