Інвестыцыі, крэдытныя даўгі, стварэнне новых рабочых месцаў і мадэрнізацыя дзеючых вытворчасцяў. Пра болевыя моманты прамысловых прадпрыемстваў, будаўнічай галіны і сельскай гаспадаркі Барысаўскага раёна гаварылі сёння на выязным пасяджэнні Прэзідыума Саўміна ў гэтым рэгіёне. Нагадаем, што гэта ўжо другі ўрадавы рэйд за межы сталіцы. Два месяцы таму чыноўнікі з Мінска абмяркоўвалі эканоміку і сацыяльную сферу Оршы і тэрыторый побач з ёю. Сёння да пасяджэння прэзідыума міністры праехалі па прадпрыемствах раёна, каб дакладна вывучыць праблемы кожнай вытворчасці і прапанаваць аптымальныя крокі для рэканструкцыі. Таксама абмеркавалі план развіцця Барысаўскага раёна да 2020 года.
Усе падрабязнасці - у нашага карэспандэнта Святланы Лук’янюк. На гэтым прадпрыемстве будаўнічых панэльных пліт зацішша. Завод будавалі з разлікам працаваць у дзве змены. Сёння ледзь закрываюць адну. Маглі б узводзіць да 200 000 квадратаў жылля за год. Але пакуль магутнасці загружаныя толькі на 10 працэнтаў. Беларускі будаўнічы рынак толькі зараз трохі ажывае. Усе надзеі на яго. Але працаваць галоўным падрадчыкам перашкаджаюць і нявырашаныя праблемы.
Сёння ў Барысаўскім раёне траціна з сарака прадпрыемстваў праблемныя. Гэта буйная прамтэрыторыя Мінскай вобласці. У параўнанні з мінулым годам прамысловасць выпусціла на працэнтаў 17 прадукцыі больш. Але галоўнае ўсё ж яе прадаць. А тут не ўсё гладка. Да прыезду чыноўнікаў з Мінска мясцовая вертыкаль падрыхтавала свой план развіцця.
"Аўтагідраўзмацняльніку" ўжо 50. Гады адбіліся на станках. І не толькі на знешнім выглядзе. Хоць асноўны фонд зношаны на 90 працэнтаў, маральнае старэнне куды больш сумнае. На такіх дэталях далёка не з'едзеш. Асноўныя пакупнікі - аўтазаводы Беларусі і Расіі - хутка абнаўляюць мадэлі аўто, за імі наш савецкі завод проста не паспявае.
А між тымі канкурэнты з усходу і захаду не спяць. Гэта глабальныя карпарацыі. Цягацца з імі ў такім стане проста немагчыма.
Пад гэтыя планы грошай просяць ва ўрада. Разлічваюць на інавацыйны фонд. Прапаноўваюць бізнес-план абнаўлення ў тры этапы на тры гады па куплі новых станкоў. Але тут, гаворыць прэм'ер, трэба пралічыць заказы і працаваць разам з іншымі прадпрыемствамі.
Тым больш што сёння на заводзе гірай вісяць і даўгі за электраэнергію. Паменшыць аплату плануюць за кошт скарачэння плошчаў. Раней адну з пляцовак здавалі "БелДжы". Сёння гэтае прадпрыемства пабудавала свае карпусы. Планы тут грандыёзныя. На першым этапе да 60 000 машын за год. 90 працэнтаў плануюць прадаваць у Расію. Серыйную вытворчасць запусцяць у жніўні. А сёння тэст-драйв новага красовера правялі прэм'ер з міністрамі.
Вялікія планы і ў завода медпрэпаратаў. Чвэрць фармацэўтычнай прадукцыі на нашым рынку зроблена тут. 5 цэхаў і да 7 мільярдаў таблетак за год. Палову прадаем на экспарт.
Сёння тут гаварылі і пра цэны на лекі ў Беларусі, замежныя і айчынныя. Напрыклад, 26 беларускіх прэпаратаў каштуюць на 10 працэнтаў больш за імпартны аналаг.
Пры гэтым на рынку павінны прысутнічаць усе неабходныя прэпараты - і айчынныя, і імпартныя. Барысаўскі завод плануе толькі пашырацца. Зараз шукае інвестара, хутчэй за ўсё, з Індыі і гатовы адкрыць новы цэх з нуля па вырабе субстанцый для лекаў. Міністрам паказалі дзеючыя цэхі.
Гутарку, якая распачалася на прадпрыемствах, чыноўнікі і мясцовая вертыкаль працягнулі ў райвыканкаме. Пытанне нумар адзін - працаўладкаванне і стварэнне новых рабочых месцаў.
Новых падыходаў ад раённай вертыкалі чакаюць і ў працы з інвестарамі. Тут паказчыкі падаюць тры гады запар. Менавіта гэтая тэма як чырвоная нітка комплекснага плану мерапрыемстваў па развіцці Барысаўскага раёна.
Працы ў плюс чакаюць і ад АПК. За паўгоддзе недабралі 6 працэнтаў да плану. Вялікія надзеі на стварэнне аграхолдынга. Землі і будынкі, якія прастойваюць, трэба залучаць у гаспадарчае абарачэнне. І больш актыўна выкарыстоўваць транзітны патэнцыял раёна. Усе гэтыя задачы прапісаныя ў плане дзеянняў, да 1 верасня ад абласной і раённай вертыкалі чакаюць крокаў па іх выкананні.
