Вяртаемся да тэмы машынабудавання ў Беларусі. На гэтым тыдні адразу некалькі навін зайгралі гучнымі загалоўкамі. Холдынг "Гомсельмаш", які заявіў аб стварэнні сумеснай вытворчасці ў Індыі. Там будуць збіраць беларускія камбайны. МАЗ выйграў тэндар на пастаўку сотні аўтобусаў у Кіеў. Наш прамысловы гігант Амкадор адкрыў новую вытворчасць у Мінскай вобласці - зараз у нас будуць выпускаць аўтаматычныя каробкі перадач.
І гэта яшчэ не ўсё. Доўгачаканы праект - новы завод па стварэнні беларуска-кітайскіх аўтамабіляў выйшаў на фінішную прамую. Вось такім прыгажунам-красоверам у чорным, белым і серабрыстым колеры маецца ў хуткім часе заваёўваць рынак. Наш калега Алеся Высоцкая пабывала там, дзе яшчэ не ступала нага журналіста, убачыла, як танцуюць робаты і даведалася, хто будзе збіраць найноўшыя мадэлі.
Расказвае Алеся Высоцкая.
118 гектараў. Завод-гігант. З такой жа глабальнай заяўкай на лідарства першага і ўнікальнага для Беларусі аўтамабільнага праекта. Новая вытворчасць пад Барысавам адпавядае патрабаванням сусветнага аўтапрама. І пабудавана з перспектывай на доўгія гады.
Гэта галоўны тэхнолаг - аб тэмпах стварэння завода. Рэкорд! Нават па сусветных мерках. Два гады назад тут карчавалі пні і раўнялі пясок, сёння - збіраюць машыны.
Поўны цыкл - гэта значыць машыны збіраць будуць з нуля. Зварка, афарбоўка, зборка - ключавыя цэхі завода.
Свежазвараны кузаў пад пільнай увагай намесніка начальніка цэха. Якой зварка павінна быць у ідэале, Дзмітрый Хоміч вывучаў на стажыроўцы ў Кітаі.
У сваёй працы Дзмітрый бачыць асаблівую паэзію. Ад зваркі залежыць шматлікае, у тым ліку і даўгавечнасць аўто.
Самаразвіццё. Вопыту па легкавых аўтамабілях у беларусаў яшчэ не было. Школа легкавога аўтапрама фарміруецца на нашых вачах.
На заводзе няма выпадковых людзей - меркаванне вядучага інжынера-тэхнолага Уладзіміра Шавеля. У кожнага за плячыма не проста тэорыя інстытутаў, а жыццёвая школа на флагманах машынабудавання. Гэты этап зваркі Уладзімір добра ведае.
Абсталяванне падбіралі з разлікам на тры мадэлі - два кросоверы і седан. Але універсальнасць дазваляе ствараць і іншыя, у залежнасці ад попыту на рынку. Максімальна вывераныя траекторыі руху робатаў зачароўваюць. Пра іх і гавораць тут, як пра жывую сістэму.
У момант здымкі спецыялісты з Паднябеснай тэсціруюць нямецкіх робатаў, сабраных у Кітаі.
Чэпкая рука захоплівае дах. Наносіць герметык, ставіць яе на месца і віртуозна змяняе прыладу. Усё разам - танец у класіцы жанру.
Чалавечы фактар таксама пад кантролем яшчэ адной разумнай машыны. Яна вымярае геаметрыю кузава ў трох каардынатах. Павел Гурэцкі - адзін са спецыялістаў, хто займаўся падборам абсталявання. Зараз сочыць за захаваннем тэхналогіі. Скончыў аспірантуру. Факультэт машынабудавання беларускага палітэха.
Любая парушынка - патэнцыяльная пагроза якасці. Адгэтуль і падыходы прынцыпова жорсткія. Увесь персанал у спецадзенні. На ўваходзе праходзяць праз абдзіманне.
Афарбоўка машыны - навука. Тонкі разлік і фарбы, і траекторыі, і часу.
Грыф "Сакрэтна" забабонныя маркетолагі з тэхнічных характарысатык першых красовераў пакуль не здымаюць. Але мы даведаліся, што ў прамысловай партыі мы ўбачым іх у чорным, белым і ў серабры. І яны перасягнуць ужо вядомыя беларусам Geely, хоць па цане будуць і не самыя танныя.
Узровень лакалізацыі жадаюць давесці да 50%. У кампаніі гавораць, на першым этапе мадэлі будуць камплектавацца акумулятарамі, шклом і дыскамі, сядзеннямі, рухавікамі ўнутранага згарання, заднімі ліхтарамі, выхлапной сістэмай і тармазной магістраллю беларускай вытворчасці. Мяркуючы па навінах гэтага тыдня, гэта яшчэ не мяжа. У Старых Дарогах рэалізуецца праект па выпуску тармазных калодак, зараз і ад Амкадора ў нас будзе беларуская каробка-аўтамат. Эксперты сцвярджаюць, калі ў звязку з вытворчасцю буйной тэхнікі ў нас будзе яшчэ і выпуск легкавушак, усе вырабленыя ўнутры краін кампаненты стануць таннейшыя.
Красовер жа пакуль чакаюць выпрабаванні.
Патэнцыяльны пакупнік - узростам ад 20-ці да 50-ці. І такімі ж рознымі перавагамі, бо машына будзе ў некалькіх варыянтах, з поўным прывадам, каробкай-аўтамат і механічнай.
З канвеера за змену восем гадзін змогуць сыходзіць 120 аўтамабіляў. Рабочых месцаў на паўтары тысячы чалавек. Ужо сёння конкурс сярод слесараў, зборшчыкаў, зваршчыкаў і лагістаў вышэйшы, чым у шматлікіх прэстыжных ВНУ.
