Новы расійска-беларускі касмічны апарат дыстанцыйнага зандавання Зямлі плануецца запусціць у 2020 альбо ў 2021 годзе. Аб гэтым стала вядома сёння ў Мінску на сустрэчы навукоўцаў Акадэміі навук з топ-менеджарамі карпарацыі "Раскосмас". Стварэнне апарата, паводле папярэдніх ацэнак, абыдзецца ў 180 мільёнаў долараў.
Гэта сума з улікам страхоўкі. Спецыялісты абмеркавалі не толькі фінансавыя і тэхнічныя пытанні, якія датычацца новага сумеснага спадарожніка, але і падвялі вынікі працы Беларускага касмічнага апарата. Ён знаходзіцца на арбіце ўжо 5 гадоў. Нагадаем, яго запусцілі з касмадрома Байканур 22 ліпеня 2012 года.
Пётр Віцязь, кіраўнік апарата НАН Беларусі: "Параметры тэхнічныя ўзгодненыя. Хто што робіць - узгоднена. Пытанне - у адкрыцці фінансавання. Але, не чакаючы гэтага, і беларускі бок у асобе "Пеленга" пачаў распрацоўку за ўласныя грошы сёлета, і расійскі бок у асобе карпарацыі "УНДІЭМ" таксама за ўласныя грошы пачаў распрацоўку платформы. Гэта рашэнне карпарацыі "Раскосмас" і кіраўніцтва НАН Беларусі".
Другі спадарожнік будзе важыць менш за адну тону. Апарат стане часткай дзеючай расійска-беларускай арбітальнай групоўкі спадарожнікаў дыстанцыйнага зандавання Зямлі высокага вырашэння.
