Новы казаводчы цэнтр з'явіцца ў Дзяржынскім раёне

Інвестыцыйны праект рэалізуе фермер. Сёння ў гаспадарцы Дзмітрыя Крылова самы вялікі статак коз у нашай краіне - каля тысячы - і цэх па выпуску казінага ёгурта, тварагу і сыру. Новы комплекс будзе інавацыйным: у ім размесціцца сістэма карусельнага даення, праграма кіравання статкам, якая будзе кантраляваць прадукцыйнасць жывёл. Будзе прадугледжана таксама індывідуальнае кармленне. Зялёны высакаякасны корм круглы год забяспечыць гідрапонная ўсталёўка.

Акрамя таго, на тэрыторыі комплексу будзе пабудаваны эксперыментальны завод па перапрацоўцы казінага малака. У планах - вытворчасць новых для нашай краіны відаў сыроў.