Новым міністрам эканомікі прызначаны Аляксандр Чарвякоў

Важнае кадравае рашэнне Прэзідэнта ў пачатку года эканамічнага і каляндарнага. Новым міністрам эканомікі прызначаны Аляксандр Чарвякоў. Да гэтага моманту - першы намеснік у тым жа міністэрстве. Пасля павышэння Дзмітрыя Крутога да першага віцэ-прэм'ера пасада міністра заставалася вакантнай каля месяца. Адгэтуль лагічнае пытанне Кіраўніка дзяржавы, наколькі распрацаваная кандыдатура аднаго з ключавых у эканамічным блоку ўрада кіраўнікоў.

Ігар Сергяенка, кіраўнік Адміністрацыі Прэзідэнта Беларусі: "Кандыдатура на пасаду міністра эканомікі прапрацоўвалася на альтэрнатыўнай аснове, было некалькі прэтэндэнтаў. У выніку прыйшлі да высновы, што найбольш годная ва ўсіх адносінах  кандыдатура Аляксандра Чарвякова".

Спалучэнне тэорыі і практыкі кіравання эканомікай

Віцэ-прэм'ер запэўніў Прэзідэнта, што Аляксандр Чарвякоў валодае патрэбнымі ведамі і практычным вопытам для вырашэння самых вострых задач у эканоміцы.

Альма-матар новага міністра - знакамітая сельгасакадэмія ў Горках

Там ён за 15 гадоў прайшоў шлях ад аспіранта да дацэнта кафедры. Затым 7 гадоў кіраваў эканамічнай навукай у профільным інстытуце. Ужо пасля было выпрабаванне практыкай. 
Як навуковец Аляксандр Чарвякоў - аўтар больш за 90 навуковых прац і 4 вынаходак. А вось як кіраўнік ён удзельнічаў у распрацоўцы дзвюх пяцігадовых праграм сацыяльна-эканамічнага развіцця краіны і маштабнага плана новай індустрыялізацыі рэгіёнаў. Галоўная ідэя апошняга - скараціць разрыў ва ўзроўні і якасці жыцця людзей, якія працуюць у буйных гарадах і ў правінцыі. 

 3 галоўныя задачы новага міністра эканомікі

З гэтага часу ў Аляксандра Віктаравіча ёсць усе рычагі, каб увасобіць гэты план у жыццё. І не толькі яго. Адказваючы на пытанні прэсы, новы міністр агучыў 3 ключавыя задачы, пастаўленыя Прэзідэнтам. 

104 % - арыенцір штогадовага росту эканомікі

Таксама паводле слоў міністра,  устойлівасць беларускай эканоміцы будуць гарантаваць эфект ад маштабнай мадэрнізацыі і высокадаходныя сферы. Неабходным штогадовым ростам для эканомікі Аляксандр Чарвякоў лічыць планку  104 %. Яна гарантуе стабільнае развіццё і захаванне прафесійных кадраў у Беларусі.