Яны прапісаныя ў праекце ўказа. У прыватнасці мяркуецца прааналізаваць кошт электраэнергіі з альтэрнатыўных крыніц. У сувязі з тым, што патаннелі тэхналогіі, павялічылася колькасць пастаўшчыкоў абсталявання, цана на зялёную энергетыку можа зніжацца. Яшчэ адзін аспект праекта - з прыцэлам на будучыню. Работа над суладным супрацоўніцтвам альтэрнатыўных крыніц энергіі і новай АЭС. Мэта: не дапусціць лішкаў рэсурсаў і захаваць энергетычны баланс у краіне.
Вольга Пруднікава, намміністра энергетыкі Беларусі: "У нас сёння 100 % насельніцтва забяспечаныя электраэнергіяй. Але вядуцца работы, звязаныя з дыверсіфікаваннем паліўнага балансу. Адзін з элементаў паліўна-энергетычнага балансу - будаўніцтва і ўвод у эксплуатацыю атамнай станцыі ў Астраўцы. А таксама вялікая праца, якая праводзіцца дзяржавай па ўцягванні ў баланс мясцовых і паліўна-энергетычных рэсурсаў і аднаўляльных крыніц энергіі. Мы прапаноўваем прымяняць стымулюючыя каэфіцыенты, якія дазволяць акупляць інвестыцыі, эканамічна мэтазгодна эксплуатаваць гэтыя крыніцы. Гэта дасць магчымасць знізіць тарыф для канчатковага спажыўца".
Праект указа прадугледжвае і пашырэнне геаграфіі паставак энергіі ўнутры краін. З новымі папраўкамі суб'екты гаспадарання, якія вырабляюць энергарэсурсы з дапамогай аднаўляльных крыніц, змогуць пастаўляць іх спажыўцам адразу ў некалькі рэгіёнаў Беларусі.
