Чатыры новыя бізнес-інкубатары адкрыюцца ў наступным годзе ў Беларусі - у Магілёўскай і Віцебскай абласцях. Іх вопыт і прагрэсіўныя ідэі распаўсюдзяць па ўсіх рэгіёнах краіны, у тым ліку і Мінскай вобласці. Пра гэта сёння заявілі на міжнародным форуме паспяховых бізнес-інкубатараў, які праходзіць у сталіцы. Мэта аднаго з праектаў "Малыя гарады" - стварэнне новых пляцовак і навучальных цэнтраў для прадпрымальнікаў, а таксама падтрымка стартапаў.
Марына Каліноўская, кіраўнік праекта ПРААН "Садзейнічанне занятасці і самазанятасці насельніцтва ў малых і сярэдніх гарадах Рэспублікі Беларусь": "Мы працуем для таго, каб пашырыць магчымасці ў малых і сярэдніх гарадах для пачатку сваёй справы. Павялічыць магчымасці па навучанні і кансультацыях для таго, каб пачаць свой бізнес".
Андрэй Цімаеў, дырэктар тэхнапарка "Горкі": "Гэты праект дазволіць людзям паверыць у тое, што ў іх ёсць сілы і магчымасці ствараць свой бізнес на падставе сваіх ідэй і ствараць новыя рабочыя месцы. Развіццё прадпрымальніцкіх ведаў у студэнтаў дазваляе значна знізіць рызыкі беспрацоўя ў рэгіёнах".
Усяго ў Мінск прыехала больш за сотню ўдзельнікаў і экспертаў у развіцці малога бізнесу з Беларусі, Расіі і Эстоніі. Семінар прадоўжыцца і заўтра.
