У Беларусі ў Рэчыцкім раёне адкрыта новае радовішча нафты. Яно мае запасы чорнага золата аб'ёмам 700 тысяч тон, вялікая частка з якога даступная і лічыцца вельмі перспектыўнай. Да рэзерваў, якія цяжка здабываць, спецыялістам дапамаглі дабрацца сучасныя тэхналогіі. Рэпартаж Вольгі Халадовіч.
25 тон за суткі - лёгкай, якаснай нафты. Спецыялісты ацэньваюць гэта радовішча як перспектыўнае. Тут, пад зямлёй - 700 тысяч тон, 400 з якіх можна здабыць.
З гэтага радовішча 50 гадоў таму пачалася здабыча беларускай нафты. Але раней тэхналогіі не дазвалялі дабрацца да найглыбейшых запасаў. Сучасны навуковы падыход дапамог вырашыць гэтую праблему.
Андрэй Козыр, намеснік генеральнага дырэктара ПА "Беларуснафта": "Выконваецца вялікі комплекс прац, камеральных, якія праводзяцца ў нашым інстытуце. Часта прыходзіцца пераглядаць вялікую колькасць матэрыялу, які быў раней вядомы. Але з новымі падыходамі, новымі прынцыпамі мы дабіваемся поспеху на ўжо даўно вядомых радовішчах".
У найбліжэйшыя тры гады на гэтай залежы плануюць прабурыць да 7 свідравін. Зараз геолагі разам з навукоўцамі праводзяць тут даследчыя працы.
Сяргей Новікаў, выконваючы абавязкі намесніка начальніка па геалогіі ўпраўлення па павышэнні нафтааддачы пластоў і рамонце свідравін ПА "Беларуснафта": "Гэта выпрабаванні для атрымання прытоку са свідравін, будзе выкананая перфарацыя, будзе выкананая вугальна-кіслотная апрацоўка, пасля чаго будуць выкананыя даследаванні і спушчана падземнае абсталяванне для таго, каб запусціць свідравіну ў эксплуатацыю".
Сёлета гэта ўжо другое адкрыццё ў Рэчыцкім раёне. У лютым атрыманы фантанны прыток нафты - амаль 100 тон за суткі.
