Небывалы ўраджай агародніны збіраюць у цяпліцах на поўначы краіны. Увесь сакрэт у інавацыйным падыходзе. Пад штучным сонцам створаны аптымальны мікраклімат, які і дазваляе атрымліваць з гектараў па максімуме. Зараз працягваецца агурочны сезон. У энергаэфектыўных цяпліцах пад Оршай з метра квадратнага збіраюць па 80 кілаграмаў зялёнай прадукцыі. Тут укаранёная спецыяльная сістэма зашторвання, якая дазваляе кантраляваць неабходныя параметры ў залежнасці ад надвор'я.
Алеся Дубінец, кіраўнік аддзялення філіяла "Цяплічны" РУП "Віцебскэнерга": "Раней на старым камбінаце мы за сезон атрымлівалі 1500 тон агародніны. На сёння энергазберагальныя цяпліцы дазволілі павялічыць валавы збор агародніны. Акрамя таго, ураджайнасць на старым камбінаце складала каля 30-33 кг з метра квадратнага, тут збіраем 83 кг агуркоў і больш".
Таксама на плантацыях зелянее кроп, пятрушка, рукала, сельдэрэй. Асаблівы попыт на прадукцыю да пачатку вясны, калі на градках дачнікаў яшчэ не стартаваў аграрны сезон.
Небывалы ўраджай агародніны пад штучным сонцам
15 февраля 2020