Так, МТЗ паставіць сёлета ў Егіпет больш за 600 трактароў. Перспектыўную нішу зойме і "Амкадор" - прадпрыемства першым у нашай краіне будзе выпускаць бульдозеры. Дарэчы, расце попыт і на спецтэхніку вытворцаў з Барысава. На тыдні з горада на Бярэзіне ў казахстанскі Шымкент адправіліся 24 пажарныя аварыйна-выратавальныя машыны. Пра ноу-хау тэхнікі і яе экспарт раскажа Аляксей Кандраценка.
24 аўто на выезд! Калона пажарных машын адправілася ў дарогу працягласцю 3900 кіламетраў. Заказ для горада Шымкента, што на поўдні Казахстана, першы ў чарадзе сёлетніх экспартных кантрактаў машынабудаўнічага прадпрыемства з Барысава. Далей па курсе Манголія.
Барысаўскае прадпрыемства, у якім ёсць і свой штат інжынераў і канструктараў, стварае таксама штабныя машыны, мабільныя пункты упраўлення. Адно з ноу-хау, на якое ўжо ёсць попыт ратавальнікаў у розных гарадах - аўталесвіца.
Усе спецыяльнае абсталяванне вырабляецца пад заказ на базе розных шасі. У асноўным Мінскага аўтазавода.
Усё абсталяванне на гэтай машыне зроблена з металу. На першы погляд, надзейны і трывалы матэрыял. Але для спецтэхнікі гэта ўжо мінулы дзень. Сённяшні - гэта арміраваны пластык. Таму гэтая машына апошняя у сваім родзе.
Сёння на любой будоўлі не абысціся без бульдозернай тэхнікі. У Беларусі вытворцаў такіх машын няма. Заняць нішу спрабуе холдынг "Амкадор". На палігоне пад Мінскам бульдозер прадэманстраваў усе свае "мускулы", працуючы днямі напралет.
Вялікія планы і на кампактны універсальны пагрузчык 308-й мадэлі. Ён паспеў сябе паказаць як на сельгаспрадпрыемствах, так і на вуліцах гарадоў. Навінка зацікавіла камунальныя службы таксама і расійскіх мегаполісаў: ад Масквы да Уладзівастока.
Нашы машынабудаўнікі ўзмацняюць пазіцыі на азіяцкім і афрыканскім рынках
7 марта 2020