"На кантролі Прэзідэнта". Развіццё Аршанскага раёна

12 Жніўня 2019

У Оршы падлічваюць, як спрацавалі прэферэнцыі па падтрымцы рэгіянальнага развіцця.

Так, за 3 месяцы на тэрыторыі раёна адкрыта 15 новых прадпрыемстваў. За паўгода ўжо   43. Пры гэтым 18 вытворчасцяў з іншых раёнаў перанеслі свой бізнес на гэтыя тэрыторыі з падатковымі прэферэнцыямі. Са студзеня тут асаблівы падатковы рэжым. Новыя і дзеючыя вытворчасці па ўказе Прэзідэнта не плацяць ПДВ пры ўвозе абсталявання, зніжаны стаўкі падатку пры спрошчанай сістэме да працэнта, зменшаны адлічэнні на пенсіённае страхаванне, таксама льготная адтэрміноўка без пераплат і мараторый на праверкі. І такі падыход ужо прыносіць добры плён. Адкрываюцца праекты, якія хутка акупляюцца,  нягледзячы на льготы, істотна папаўняюць мясцовую казну.

Дзмітрый Крутой, Міністр эканомікі Беларусі: "На 80 тысяч рублёў, калі параўноўваць з нашай традыцыйнай сістэмай падаткаабкладання, прыбыткі зменшыліся, але па абсалютнай масе выручкі мы на 540 тысяч дадалі. Г.з.  у 7 разоў мы павялічылі паступленне ў бюджэт раёна за кошт таго сегмента, што карыстаецца новымі стаўкамі падаткаў. Калі гаварыць аб сегменце малога і сярэдняга бізнесу, на ім асобны фокус зроблены ў рамках аршанскай праграмы. Прырост прыкладна на 15-16 %. Для паўгоддзя першага мы лічым, што гэта суперпазітыўныя вынікі".

Пра развіццё Аршанскага раён, працу новых прадпрыемстваў і прамысловых гігантаў, такіх як Аршанскі інструментальны, новыя рабочыя месцы, зарплаты і малы бізнес ў  праекце "На кантролі Прэзідэнта" ў сераду вечарам пасля "Панарамы".


Папулярныя

Рэкамендуемыя