Беларуская дзяржава з вялікай павагай ставіцца да ўзаемаадносін з рэгіёнамі Расіі. Гэта сёння заявіў Прэзідэнт Беларусі Аляксандр Лукашэнка на сустрэчы з Прэзідэнтам Расіі Уладзімірам Пуціным.
Кіраўнік дзяржавы адзначыў, што нашы краіны пастаянна трымаюць на кантролі як праблемы ў двухбаковых адносінах, так і станоўчыя моманты. І мерапрыемствы, падобныя форуму рэгіёнаў дзвюх краін, дапамагаюць умацоўваць беларуска-расійскія адносіны.
Пасля двухбаковай сустрэчы прэзідэнты прынялі ўдзел у пленарным пасяджэнні ІІ форуму рэгіёнаў Беларусі і Расіі. Ключавая тэма - прамысловая палітыка Саюзнай дзяржавы. Аляксандр Лукашэнка ў сваім выступленні прапанаваў канкрэтныя крокі па яе фарміраванні.
Усяго на ІІ форуме рэгіёнаў Беларусі і Расіі ў Сочы беларускі бок заключыў 67 экспартных камерцыйных кантрактаў. Пагадненне аб гандлёва-эканамічным, навукова-тэхнічным і культурным супрацоўніцтве заключанае з Камчацкім краем, Белгародскай, Пензенскай, Сахалінскай і Цюменскай абласцямі. Храналогія дня ІІ форуму рэгіёнаў у Сочы сёння вечарам у вялікім рэпартажы "Панарамы".
