На што робяць стаўку ў развіцці раёнаў Віцебшчыны - у нядзелю ў "Галоўным эфіры"

22 Лістапада 2019
Працягваючы тэму развіцця паўночнага рэгіёна, асобна хацелася б спыніцца на Мёрскім раёне. Тут стаўку зрабілі на адну з перадавых вытворчасцяў у Еўропе па выпуску белай бляхі. Да канца мая наступнага года сваю першую прадукцыю выпусціць Мёрскі металапракатны завод.

У лінейцы прадукцыі - пакаванне для кансерваў, напояў у бляшаных банках, аэразоляў і лакафарбавай прадукцыі. Прадпрыемства экспартна арыентаванае. 90% прадукцыі сыдзе за мяжу. Выбару лакацыі спрыяла выгаднае геаграфічнае становішча. Да Еўрасаюза каля 40 кіламетраў. Прыкладна столькі ж - да Расіі. Гэта дазволіць бізнесу выходзіць на рынкі Еўропы і СНД з мінімальнымі лагістычнымі выдаткамі.

Металапракатны завод стане цэнтральным у развіцці раёна. Усяго будзе створана 650 рабочых месцаў. На што яшчэ робяць стаўку ў развіцці раёнаў Віцебшчыны, раскажам ужо ў гэтую нядзелю ў "Галоўным эфіры".