Як бачым, айчынная перапрацоўчая галіна ўмацоўвае свае пазіцыі на знешніх рынках. Зрэшты, тычыцца гэта не толькі харчавання. На бабруйскай Белшыне пачалі выпуск самых вялікіх шын у свеце. Прызначаны яны для камплектацыі самазвалаў асабліва вялікай грузападымальнасці - да 450 тон. Размова аб кар'ернай тэхніцы БелАЗа. Але сярод пакупнікоў будуць і замежныя кампаніі, упэўненыя на прадпрыемстве. Бо попыт на такія шыны ў свеце расце. Узаемавыгаднае супрацоўніцтва Белшыне, напрыклад, ужо прапанавала вядомая японская фірма. Падрабязнасці ў Андрэя Ястрабава.
У гэтым цэху сок дрэў гівееў літаральна льецца ракой. Каўчук або гумавае малако, як яго яшчэ называюць, - асноўны інгрэдыент самых вялікіх шын. За суткі праз гэтыя міксеры праходзіць да 100 тон неабходнага інгрэдыенту. Дарэчы, дастаўленага з самога В'етнама.
Вось сэрца новай вытворчасці. Менавіта тут змешваюцца ўсе элементы будучай шыны. 9 старых агрэгатаў замянілі на 4 сучасныя нямецкія. Прадукцыйнасць вырасла ў разы. Але не гэта галоўнае. Размеркаванне тэхнічнага вугляроду ў гуме амаль ідэальнае. А значыць знос меншы, а жыццё шыны даўжэйшае.
Услед за змяшальнікамі на Белшыне ўсталявалі новае сучаснае абсталяванне і для цэха раскрою. Дакладнасцю дасягнулі павышанай трываласці армаваных паясоў, якія літаральна сцягваюць шыну. Гэта на іх потым набіваецца пратэктар.
Дарэчы, павышаць якасць бабруйскіх шын сталі нездарма. Улічваючы рост попыту ў свеце, прапускаць магчымасць заняць сваю нішу на замежным рынку тут не сталі.
Дзмітрый Савончык, намеснік гендырэктара па якасці ААТ "Белшына":
"Увод у гумавую сумесь крэмне-кіслотнага напаўняльніка, альбо як называюць яго ў народзе - сіліка. Дадзены напаўняльнік дазваляе значна знізіць цеплаўтварэнне ў шыне пры яе эксплуатацыі. Што тычыцца легкавых, грузавых шын, гэта ў сваю чаргу лепшае счапленне шын з мокрай паверхняй".
У цэлым рэканструкцыя завода ЗБГШ абыдзецца Белшыне прыкладна ў 300 мільёнаў долараў. Але інвестыцыі вартыя таго. Беларускія канструктары стварылі цалкам новы прадукт, які не саступае замежным аналагам па якасці. А галоўнае - запусцілі ў вытворчасць самыя вялікія ў свеце шыны дыяметрам ад 57 да 63 цаляў. Першая ў сваім сегменце ўжо сышла з канвеера.
Алег Быстрык, дырэктар завода ЗБГШ ААТ "Белшына":
"Два прэсы вулканізацыйныя - вось адзін і там другі - яны служаць для вулканізацыі шын з пасадачным дыяметрам 57-63 цалі, прадукцыйнасць прэса 57 цаляў - 2 штукі за суткі. Можна палічыць, за трое сутак мы робім два камплекты шын для аўтасамазвала БелАЗ".
Дарэчы, канструкцыя шыны і тэхналогія яе вытворчасці цалкам распрацаваны спецыялістамі Белшыны і з'яўляюцца ноу-хау прадпрыемства.
Напрыклад, як вам апрацоўка вулканізацыяй адной такой шыны да 12 гадзін?! Але вынік здзівіць канкурэнтаў, упэўненыя на заводзе. І ўжо рыхтуюць новыя распрацоўкі.
Рыхтуецца да абнаўлення і завод масавых шын. Тут плануюць выпускаць шыны і для грузавікоў, удвая павялічыўшы магутнасці. Зараз ідзе актыўная стадыя пошуку інвестараў.
І тое, што знойдуць, на Белшыне не сумняваюцца. Бо за тры гады ўдалося без малога ў серыйную вытворчасць запусціць каля 70 новых тыпаразмераў шын, аб якіх ведаюць зараз і купляюць у 75 краінах свету. Зараз і ў Кітаі.
