Аб гэтым пасля наведвання выставы галоўных навуковых дасягненняў нашай краіны заявіў прэзідэнт Мангольскай акадэміі навук Дугэр Рэгдэл. Забруджаная пітная вада і неўрадлівая глеба для гэтай усходне-азіяцкай краіны - актуальныя праблемы. І вопыт беларускіх навукоўцаў дапаможа справіцца з імі, упэўнены спецыялісты.
Дугэр Рэгдэл, прэзідэнт Мангольскай акадэміі навук: "Калі я ўбачыў, як выкарыстоўваюць торф (у нас няма торфу, амаль няма), у нас ёсць буры вугаль, які, як мне растлумачылі, вельмі падобны на торф. Таму я думаю, што трэба будзе ствараць прадпрыемства апрацоўкі бурага вугалю на аснове ведаў, якія былі атрыманыя на торфе".
Уладзімір Гусакоў, старшыня прэзідыума НАН Беларусі: "Наша акадэмія навук працуе ў кантэксце сусветнай навукі. І мы працуем з вядучымі навуковымі цэнтрамі свету: Германіяй, ЗША, Францыяй, Аўстрыяй, скандынаўскімі краінамі, не гаворачы ўжо пра Расію".
Адзначым, кіраўнік Мангольскай акадэміі навук наведаў Беларусь упершыню. Па выніках перамоў, арганізацыі дзвюх краін падпісалі пагадненне аб супрацоўніцтве.
