За плячамі стварэнне цэлай галіны і паўстагоддзя паспяховай працы. Юбілей адзначае адзін з гігантаў прамысловасці - Магілёўхімвалакно. Яму 50. Зараз прадпрыемства ў стадыі маштабнай мадэрнізацыі, якая завершыцца да 2020 года. Яна дазволіць не толькі павысіць якасць прадукцыі, але і асвоіць новы (не толькі для Беларусі, але і ў цэлым для краін СНД і ЕАЭС) асартымент, у тым ліку выпуск поліэфірнага валакна экстра-класа маркі "канжугейт". Першую прадукцыю атрымаюць ужо да канца года. Напярэдадні ў абноўленым Палацы культуры вобласці віншаванні, у тым ліку ад Савета Рэспублікі, прымалі ветэраны вытворчасці.
Здаваць пазіцыі на прадпрыемстве не збіраюцца. У перспектыве Магілёўхімвалакно стане цэнтрам навукова-вытворчага кластара.
