Цана страчанай біяразнастайнасці можа параўнацца хіба што са страчаным здароўем, якое, як вядома, за грошы не купіш. Дарэчы, Міністэрству аховы здароўя ўдалося стрымаць рост цэн на лекі.
У першую чаргу - дзякуючы ўзмоцненаму маніторынгу. Аб гэтым сёння заявіў журналістам намеснік міністра аховы здароўя Вячаслаў Шыла. У ведамстве таксама падкрэслілі, што кантроль праводзіцца рэгулярна і на пастаяннай аснове ўжо некалькі гадоў, і фактаў парушэнняў указу Прэзідэнта аб цэнаўтварэнні ў гэтай сферы не выяўлена.
Вячаслаў Шыла, намеснік міністра аховы здароўя Беларусі: "2014, 2015 і 2016 год - у нас не было росту наогул на лекавыя прэпараты, якія пастаўляліся ў краіну. Прайс-лісты не змяняліся, акрамя таго, мы дамовіліся з пастаўшчыкамі і вытворцамі, што ў выпадку змянення нейкай цэнавай палітыкі, звязанай з аб'ёмам рынку, мы прымаем рашэнне, што цэны павінны зніжацца за кошт надбавак, аптовых надбавак".
Віктар Шэін, намеснік дырэктара дэпартамента фармацэўтычнай прамысловасці Міністэрства аховы здароўя Беларусі: "Мы не імкнемся да поўнага імпартазамяшчэння. Імпарт мае права быць на беларускім рынку, ён павінен быць у тым коштавым сегменце, у якім прыблізна знаходзяцца беларускія лекі, каб у нашага насельніцтва, у пацыентаў быў выбар - купіць альбо айчынныя, альбо імпартныя прэпараты".
Акрамя таго, у Міністэрстве аховы здароўя адказалі, што ведамства ўстанаўлмвае рэкамендаваныя лімітавыя цэны на лекі, вышэй за якія іх кошт у аптэках паднімацца не можа.