Мінская вобласць завяршыла другі ўкос траў

30 Жніўня 2019
Нароўні з цэнтральным рэгіёнам нарыхтоўка траў завершана толькі ў Гомельскай і Брэсцкай абласцях. Калі гаварыць у цэлым пра корманарыхтоўку і патрабаванне стварыць запас кармоў, тут мы на ўзроўні 42 % ад плана. Але наперадзе  яшчэ трэці, асенні ўкос. Пра тэхналогіі перадавых гаспадарак для якаснага корму  нашы карэспандэнты.

З першага погляду,  гэта звычайная трава, якая расце як ёй заўгодна. Але гэта толькі з першага  і непрафесійнага погляду. На самай справе  на поле расце якасны і высокапажыўны корм для жывёл. І без намаганняў чалавека такое поле ніяк не вырасце. 

Трава з 700 гектараў палёў гаспадаркі "Гастэлаўскае" будзе галоўнай стравай больш чым у 1 700 кароў. На працягу ўсяго года. У гэтай гаспадарцы каровы не пасвяцца пад адкрытым небам. Для высокіх надояў  жывёлы круглы год знаходзяцца ў стойле. Таму ў засеках гаспадаркі і патрэбны паўтарагадовы запас кармоў, каб ежы для кароў хапіла на ўсю зіму і на частку лета. Пакуль свежыя травы яшчэ не скошаны.

Пасля ўборкі зялёную масу "марынуюць" у велізарнай сіласна-сянажнай траншэі. Бетонныя падлога і сцены  для лепшага захоўвання. Каб у масе не засталося кіслароду, яе як след трамбуюць. Закатаць такую траншэю трэба паспець ўсяго за тры дні. Галоўны ветурач гаспадаркі пастаянна праводзіць экспрэс-тэсты сенажу - рэагаваць трэба на любыя адхіленні тэмпературы ці вільготнасці.

Правільна падрыхтаваны корм у траншэі можна захоўвацца даволі доўга, да запатрабавання.  Прыклад  таму - агракамбінат "Сноў". Тут зусім нядаўна распакавалі сянажную траншэю ўраджаю 2018 года. Правяраем якасць корму.

 У "Снове" статак з 17 тысяч галоў жыве па сістэме all inclusive - запасаў ежы ім хопіць амаль на два гады. Гаспадарка ў Нясвіжскім раёне - удалы прыклад таго, як трэба вырошчваць, нарыхтоўваць і захоўваць корм. Тут прытрымліваюцца народнай прыказкі: рыхтаваць сані  лепш летам.