Аляксей Кандраценка прадэгусціраваў навінку.
Ужо хутка гэта льновалакно ператворыцца ў прыгожую тканіну. Але каб гэта адбылося, яго трэба адсартаваць. За дзень Ала Уладзіміраўна перапрацоўвае паўтоны льнянога валакна. Пры такой працы рукам жанчыны патрэбен асаблівы догляд.
Валожынскі льнокамбінат выпускае доўгае і кароткае валакно. Адходаў практычна няма, з іх робяць брыкеты - экалагічна чысты від паліва. Але гонар прадпрыемства - льняны алей. Прадукт амаль год вырабляюць на новай лініі.
Ільняны алей не самы танны, але вельмі карысны для здароўя прадукт. Ён багаты амінакіслотамі, а таксама вітамінамі А, В і Е. Гастранамічнай навінкай зацікавіліся пакупнікі, якія імкнуцца правільна і смачна харчавацца. Прычым не толькі з Беларусі.
Уладзімір Цвіркоў, генеральны дырэктар ААТ Мінабллён: Яшчэ нашы прадзяды раслі на гэтым алеі. Гэты алей халоднага адціскання, там захоўваюцца ўсе карысныя рэчывы. Карысна для страўніка, запраўка салаты, розных страў, не для смажання, а менавіта для салаты.
Агульны аб'ём інвестыцый у праект - больш за 8 мільярдаў рублёў.
Алег Бобрык, генеральны дырэктар ААТ Валожынскі льнокамбінат: Пры вытворчасці 1500 тон льнасемя за год мы зможам атрымаць 400 тон алею плюс пабочны прадукт - макуха. Гэта дазволіць на працягу 8-10 гадоў акупіць гэту вытворчасць.
Губернатар Барыс Батура прызнае - у льнаводчай галіны вобласці праблем хапае. На мадэрнізацыю патрэбныя немалыя грошы. Але лён - культура выгадная, таму ўсе ўкладанні павінны прыносіць як мінімум двайную аддачу.
Барыс Батура, старшыня Мінскага аблвыканкама: Вы бачылі, што запушчаныя лініі па вытворчасці алею і брыкетаў. Гэта ў нейкай меры павінна кампенсаваць страты вытворчасці льновалакна. Перспектыва за гэтым, таму трэба павялічыць аб'ёмы вытворчасці і алею, і брыкетаў.
Рабочы дзень кіраўніка вобласці прадоўжыўся на прыёме грамадзян. Большасць пытанняў Барыс Батура вырашыў з ходу, астатнія мясцовыя ўлады ўзялі пад свой кантроль.
