Мінск нацэлены на больш цеснае супрацоўніцтва з Рымам

Учора прайшла сустрэча прэм'ер-міністра Беларусі Сяргея Румаса з намеснікам кіраўніка Савета Міністраў Італіі, міністрам эканамічнага развіцця, працы і сацыяльнай палітыкі Луіджы дзі Мая. Гэта першыя перамовы на ўзроўні кіраўніцтва ўрадаў дзвюх краін за апошнія дзесяць гадоў. Беларусь прапаноўвае аднавіць актыўную працу камісіі па эканамічным супрацоўніцтве. За мінулы год тавараабарот краін перавысіў 900 мільёнаў долараў. Але патэнцыял двухбаковых адносін не цалкам рэалізаваны. Сяргей Румас запрасіў італьянскія кампаніі рэалізоўваць праекты ў Кітайска-беларускім індустрыяльным парку "Вялікі камень". Луіджы дзі Мая падзякаваў беларускаму прэм'еру за магчымасць сустрэцца асабіста і абмеркаваць шырокае кола пытанняў узаемадзеяння.