Тавараабарот паміж гарадамі з пачатку года павялічыўся больш як на чвэрць. Каб знайсці новыя пункты ўзаемадзеяння, дэлегацыя з турэцкага горада прыехала з візітам ў сталіцу. Адным з першых прыпынкаў стаў Мінскі трактарны завод. Паўднёвы рэгіён Турцыі - аграрны, таму мясцовыя прадпрыемствы зацікаўленыя ў якаснай сельгастэхніцы. Прадстаўнікі кіраўніцтва Газіянтэпа пазнаёміліся з вытворчым працэсам і прадукцыяй МТЗ.
Акрамя таго, турэцкі бок цікавіцца вопытам Мінска ў развіцці гарадскога водазабеспячэння і транспартнай інфраструктуры. У прыватнасці, будаўніцтва метрапалітэна. А таксама - праца ў сферы аховы навакольнага асяроддзя. Яшчэ адзін важны аспект - развіццё гандлю. Беларусь і Турцыя маюць намер прэзентаваць свае тавары на сумесных выставах.
Нагадаем, у канцы верасня падчас гастранамічнага фестывалю Мінск і Газіянтэп падпісалі пагадненне аб пабрацімскіх сувязях. Дарэчы, далучыцца да кулінарнай культуры можна будзе і ў Мінску: гастранамічны фэст плануюць прывезці ў беларускую сталіцу.
