Новаўвядзенні датычацца ўсіх суб'ектаў, уключаных у дзяржрэестр. Імпарцёры маюць права пералічыць адпускныя цэны на тавары, увезеныя пасля 18 снежня, па курсе Нацыянальнага банка. Раней яны павінны былі аднімаць ад яго 5%. Аналагічнае права з'явілася ў вытворцаў, у складзе вырабаў якіх ёсць імпартны складальнік. Да таго ж беларускія прамыслоўцы могуць павялічыць цану ў сувязі з ростам цэн на энерганосьбіты. Пры гэтым узровень рэнтабельнасці па пэўных відах дзейнасці не павінен перавышаць сярэдні ўзровень за тры кварталы мінулага года. Рознічны гандаль мае права захаваць памер надбавак, якія дзейнічалі да 18 снежня. Пры гэтым рэнтабельнасць продажаў імпарцёраў, аптавікоў і розніцы не павінна перавышаць 3%.
Цэны на лекі і вырабы медыцынскага прызначэння таксама прывязаныя да курсу долара і пералічваюцца па Нацыянальным банку. Надбаўка ў рознічнай сетцы залежыць ад кошту саміх медыкаментаў і не можа перавышаць 30%.
