Прадстаўнікі дзвюх краін абмеркавалі магчымасці далейшага супрацоўніцтва, а таксама дэталі сустрэчы кіраўнікоў дзвюх дзяржаў, запланаванай на снежань.
Гандлёва-эканамічныя адносіны Беларусі і Туркменістана адрозніваюцца ўстойліва станоўчым сальда. Згодна з міждзяржаўнымі пагадненнямі ў Туркменістан пастаўляецца беларуская тэхніка (сельскагаспадарчая, аўтамабільная, дарожна-будаўнічая), а таксама камунальны і пасажырскі транспарт. Аснова імпарту з Туркменістана - тканіна, трыкатажнае палатно, шэрсць, пасцельная і сталовая бялізна, а таксама нафтапрадукты.
Сярод найбольш маштабных сумесных праектаў - будаўніцтва Гарлыкскага горна-абагачальнага камбіната па выпуску калійных угнаенняў. Акрамя таго, інтэнсіўна развіваецца супрацоўніцтва ў сферы адукацыі. Палова агульнай колькасці замежных студэнтаў, якія вучацца ў Беларусі, - грамадзяне Туркменістана.
