Лінзы беларускай вытворчасці адправяць у Кітай

11 Лістапада 2016

Бізнесмены самага вялікага рэгіёна Кітая гатовыя супрацоўнічаць з Беларуссю ў сферы мікраэлектронікі. Беларускае навукова-вытворчае аб'яднанне займаецца распрацоўкай оптыкі і вымяральнага абсталявання для смартфонаў, ноўтбукаў, а таксама мікраэлектронікі для касмічнай, ваеннай і медыцынскай сфер. Кітайская дэлегацыя ў Мінску наведала прадпрыемствы і ўбачыла, як збіраюць інавацыйнае абсталяванне беларусы.

Хуі Маа, намеснік начальніка канцылярыі па справах знешняй адкрытасці Сіньцзян-Уйгурскага аўтаномнага раёна Кітая: "У складзе нашай дэлегацыі ёсць прадстаўнікі кампаній у сферы электронікі, таму нам вельмі цікава пабываць на такім беларускім прадпрыемстве. Беларускія навукоўцы і распрацоўшчыкі паказалі нам вельмі высокі ўзровень у мікраэлектроніцы, і мы зацікаўленыя ў далейшым супрацоўніцтве з холдынгам".

Гэтымі днямі ў нацыянальным выставачным цэнтры "БелЭкспа" праходзіць выстава кітайскай вытворчасці. Свае распрацоўкі ў сферах энергетыкі, лагістыкі, харчовай і лёгкай прамысловасці прадэманстравалі 40 кампаній.