Міністр сельскай гаспадаркі і харчавання Беларусі Леанід Заяц назваў дзеянні Рассельгаснагляда ў дачыненні да беларускіх прадпрыемстваў неабгрунтаванымі. З шостага чэрвеня ведамства ўводзіць часовыя абмежаванні на пастаўку некаторых відаў беларускай малочнай прадукцыі.
Леанід Заяц, Міністр сельскай гаспадаркі і харчавання Беларусі: "Гэты выбрык аб закрыцці нашых прадпрыемстваў - чарговая з'ява пратэкцыянізму. Ідзе выбіванне з рынку прадпрыемстваў Рэспублікі Беларусь, каб гэтай нішай скарысталіся пэўныя элементы. Ідзе ўзмоцнены лабараторны кантроль ад вытворчасці сыравіны да адгрузкі прадукцыі".
