Найбуйнейшыя кампаніі Расіі аднавілі пастаўкі нафты ў Беларусь

Белнафтахім пацвердзіў аднаўленне паставак нафты з Расіі на беларускія НПЗ па маршрутных даручэннях! Найбуйнейшыя расійскія кампаніі з ліку так званай вялікай пяцёркі доўгі час з'яўляліся традыцыйнымі пастаўшчыкамі нафты на ўсе беларускія заводы, але ў канцы мінулага года не змаглі дамовіцца аб цане пытання. І з 1 студзеня пастаўкі прыйшлося спыніць. І вось сёння "Белнафтахім" паведаміў: "Старт адгрузкам дадзены, нафта пайшла і ў Мазыр, і ў Наваполацк" У канцэрне пакуль устрымаліся ад удакладненняў, якія менавіта кампаніі ў ліку пастаўшчыкоў, заключэнне кантрактаў працягваецца. Наша краіна ў красавіку разлічвае купіць у Расіі парадку двух мільёнаў тон нафты! Гэта дазволіць цалкам загрузіць магутнасці беларускіх НПЗ.