Кітайскія інвестары гатовы адкрыць у індустрыяльным парку "Вялікі камень" два новыя прадпрыемствы: па стварэнні ўпакоўкі з найноўшых матэрыялаў - бульбы і кукурузы, а таксама інвестыцыйна-банкаўскую кампанію. Раней яны заяўлялі аб магчымасці ўкласці ў беларускую харчовую перапрацоўку мільярд долараў. Палова гэтых сродкаў пойдзе на адкрыццё новых вытворчасцяў у парку. У статутным фондзе кампаніі па вытворчасці ўпакоўкі для харчовых і нехарчовых тавараў 70 працэнтаў будуць належаць кітайцам, а 30 - беларусам.
Таксама партнёры з Паднябеснай плануюць выкупіць долі дзеючых беларускіх мясных і малочных прадпрыемстваў, мадэрнізаваць і штомесяц пастаўляць у Кітай прадукцыі на 10 мільёнаў долараў. Сёння яны гатовыя падпісаць адпаведны пратакол у Мінсельгасхарчы.
