Беларускі бюджэт і нафтатранспартныя арганізацыі нясуць страты ад паставак няякаснай нафты з Расіі. Гэта сёння на перамовах у Мінску заявіў старшыня канцэрна "Белнафтахім". Сустрэча па пытанні якасці сыравіны праходзіць па ініцыятыве нашага боку. Перамовы ідуць ужо шосты час.
Удзельнічаюць кіраўніцтва Белнафтахіма, прадстаўнікі Транснафты, Міністэрства энергетыкі Расіі, а таксама прадстаўнікі з Украіны і Польшчы. Гэтыя краіны спынілі транзіт няякаснай расійскай нафты. Страты Беларусі ў выглядзе недаатрыманай выручкі ад рэалізацыі нафтапрадуктаў толькі за красавік каля 100 мільёнаў долараў. Як збіраюцца вырашаць сітуацыю? Калі па трубах у поўным аб'ёме будзе паступаць чыстая нафта? І галоўнае, як кампенсуюць урон беларускім заводам? Ужо больш як тыдзень беларускі бок дамагаецца хутчэйшага вырашэння сітуацыі. Белнафтахім настойвае на больш аператыўным вырашэнні пытання.
Па выніках сённяшніх перамоў беларускі бок таксама разлічвае на прыняцце пратаколу - плану выйсця з сітуацыі, якая склалася.
Дзмітрый Козак, віцэ-прэм'ер Расіі: "Будзем вырашаць пытанне адпампоўкі нафты з нізкай якасцю, якая яшчэ ёсць у трубе, для таго каб прывесці ў нарматыўны стан. У прынцыпе, нарматыўны стан на адкрытым паветры, таму што гэта хларыд, якія аказаўся замяшаны, ён выпараецца на адкрытым паветры, у трубе - не выпараецца. У той жа час ён шкодны для НПЗ, таму яго трэба реактыраваць.
Што датычыцца паходжання гэтых прымесяў, то зараз пункт уваходжання іх у нафтаправод вызначаны. Там працуюць 4 кампаніі нафтаздабываючыя, якія пастаўляюць нафту. Працуюць праваахоўныя органы, паколькі гэта шкода істотная і для нашых НПЗ, і для нашых партнёраў, і для самой Транснафты. Калі будзе выяўлена, хто з'яўляецца аўтарам гэтага "твора", будуць ужытыя адпаведныя меры і фінансавай адказнасці, і, цалкам магчыма, асабістай адказнасці тых, нафтавыя кампаніі якіх гэта дапусцілі".
І як толькі што стала вядома, забруджванне нафты ў трубаправодзе "Дружба" было наўмысным і адбылося праз прыватны СамараТрансНафта-тэрмінал, які прымае нафту некалькіх малых вытворцаў. Аб гэтым паведаміў афіцыйны прадстаўнік Транснафты Ігар Дзёмін. Па факце забруджвання нафты сілавыя ведамствы Расіі ўзбудзілі крымінальную справу.
