Заўтра ў Шанхаі афіцыйна закончыць сваю працу самы вялікі ў свеце супермаркет - I Кітайская выстава імпартных тавараў. А вось у яе ўдзельнікаў прыемнай працы дадасца ў разы, бо ўвесь тыдзень тут заключаліся шматмільённыя кантракты на пастаўку ў Кітай тавараў з усіх куткоў планеты. Сярод тысяч кампаній з 130 краін свету свой нацыянальны павільён прадставіла і Беларусь.
Пры гэтым самая буйная здзелка тыдня належыць як раз нашаму прадпрыемству, прынамсі, калі меркаваць па памерах тавара, - да канца месяца ў Паднябесную адправіцца 360-тонны БелАЗ. У планах пастаўкі яшчэ 12 аўтагігантаў. А вось горад Чунцін на гэтым тыдні прымаў першую партыю беларускай малочнай прадукцыі па чыгунцы - у будучыні гэты цягнік плануюць зрабіць штотыднёвым. Аднак нягледзячы на высокі попыт на нашы тавары, не ўсе жыхары Паднябеснай могуць іх сабе дазволіць. Як распавёў у эксклюзіўным інтэрв'ю Агенцтву тэленавін пасол Беларусі ў Кітаі Кірыл Руды, з-за вялікай колькасці пасрэднікаў за час шляху з беларускага склада да кітайскага магазіна тавары дадаюць у цане да 700 %.
Кірыл Руды, Надзвычайны і Паўнамоцны Пасол Беларусі ў Кітаі: "Так, але адкрываюць іх кітайскія бізнесмены. Нашы прадпрыемствы працягваюць прадаваць са складоў, а трэба актыўна прыходзіць на рынак. А мясцовыя ўжо зразумелі, што нашы тавары экалагічныя, яны ствараюць нам тут рэкламу, а хацелася б, каб грошы прыходзілі ў краіну".
Якім чынам беларускі экспарт можа нарасціць абароты на рынку Кітая, чаму індэкс пазнавальнасці нашай краіны ў Паднябеснай пастаянна расце?
