Вынікі работы эканомікі за дзевяць месяцаў: выкананы чатыры якасныя паказчыкі

5 Лістапада 2019

Па выніках работы эканомікі за дзевяць месяцаў выкананы чатыры якасныя паказчыкі: узровень сярэдняй зарплаты вышэй за тысячу рублёў, станоўчае сальда знешняга гандлю (больш за паўмільярда долараў), прыток замежных інвестыцый на 1 мільярд 300 мільёнаў долараў у праекты "Вялікі камень", "Біятэхналагічная карпарацыя" і "Слаўкалій". Таксама ўдвая вырас чысты прыбытак прадпрыемстваў рэальнага сектара. Але сітуацыя ў эканоміцы не задавальняе ўрад, заявіў прэм'ер Сяргей Румас сёння на пасяджэнні Саўміна. Прадукцыйнасць працы адстае ад дынамікі павелічэння зарплат, не дасягнуты прагноз па росце ВУП і экспарту.

Сёлета ў агульную скарбонку чакаюць прыбаўкі ад сферы паслуг (у тым ліку транспартных), сельскай гаспадаркі, а таксама рознічнага тавараабароту, якія сёлета паказваюць добры попыт, пры стабільнай цэнавай сітуацыі і ўзроўню інфляцыі ў рамках прагнозу. У той жа час занепакоенасць выклікае імпарт харчавання, які расце па асобных пазіцыях амаль удвая.