Вынікі беларускага бізнес-форуму ў Швейцарыі

3 Лістапада 2014

У Беларусь трэба і выгадна інвеставаць - такі лейтматыў цэлага шэрагу бізнес-форумаў, якія за месяц аб'ядналі на карце свету прастору ад Нью-Ёрка да Лондана. Апошнія дні шмат гаварылі аб перспектывах, якія адкрыў візіт Прэзідэнта ў Аб'яднаныя Арабскія Эміраты. Новы імпульс двухбаковаму супрацоўніцтву надаў бізнес-форум у швейцарскім Цюрыху. Як вядома, адзін з самых паспяховых сумесных праектаў - гэта праца са Штадлер груп, 50 мільёнаў долараў інвестыцый і адна з самых сучасных вытворчасцяў у Еўропе. Усё гэта не засталося незаўважаным: Беларусь палепшыла сваё становішча ў міжнародным рэйтынгу Сусветнага банка па ўмовах вядзення бізнесу. За год наша краіна паднялася адразу на 6 пазіцый. А ўжо на наступным тыдні, 14 лістапада, у Вене пройдзе трохбаковы аўстрыйска-беларуска-расійскі бізнес-форум, а месцам сустрэчы палітычных і бізнес-эліт нашай краіны і Вялікабрытаніі стане Лондан. Усё гэта сведчыць: у асобе Беларусі і еўрапейцы, і азіяты, і амерыканцы бачаць перспектыўнага і надзейнага партнёра.

Такім чынам, з чым падыходзім да будучых знакавых падзей, а таксама некаторыя вынікі бізнес-сустрэч, што адбыліся. - у Дар'і Белавусавай-Пятроўскай. Цюрых заўсёды быў горадам ліберальнай думкі. Тут жылі і працавалі Ленін, Карл Юнг, Томас Ман. Універсітэт Цюрыха - самы буйны ўніверсітэт Швейцарыі. Шматлікія яго выпускнікі, такія як Альберт Эйнштэйн і Карл Алекс Мюллер, станавіліся лаўрэатамі Нобелеўскай прэміі па фізіцы, хіміі, медыцыне.

І вядома, гэта трэці пасля Нью-Ёрка і Лондана сусветны валютны рынак. Тут знаходзяцца штаб-кватэры шматлікіх швейцарскіх банкаў і страхавых кампаній. Цюрых невыпадкова называюць эканамічнай і фінансавай сталіцай Швейцарыі. Што да нашай краіны ў швейцарскіх банкіраў і бізнесменаў вялікая цікавасць, паказаў беларускі бізнес-форум. Больш за 100 чалавек удзельнікаў, з якіх большая частка - прадстаўнікі сусветна вядомых кампаній. Напрыклад, шведска-швейцарскі канцэрн АВВ - адзін з вядучых сусветных вытворцаў прамысловых робатаў і электратэхнічнага абсталявання. Зараз самы буйны заказ у гісторыі прадпрыемства - ператваральнікі для цягнікоў, якія будуць сабраныя ў Беларусі.

Эдгар Кэлер, генеральны дырэктар кампаніі АВВ: З адкрыццём у вашай краіне завода Штадлер-Мінск у нашай кампаніі з'яўляюцца вялізныя магчымасці працы з Беларуссю. Зараз мы вырабляем для вас самыя вялікія ператваральнікі для цягнікоў - вага звыш 3,5 тоны. Такога мы яшчэ не рабілі. І я спадзяюся, у нас вялікія перспектывы супрацоўніцтва.

Таксама на бізнес-форуме прысутнічалі прадстаўнікі кампаніі Buhler - гэта сусветны лідар у галіне машынабудавання для харчовай прамысловасці. Ужо некалькі гадоў яны пастаўляюць у Беларусь станкі для вырабу макароны. Таксама зараз ідзе праца над буйным праектам па вытворчасці шкла - сума кантракта 10 мільёнаў швейцарскіх франкаў.

Чым сёння Беларусь выгадна Еўропе на бізнес-форуме схематычна паказаў і распавёў эканамічны аналітык Павел Лашчанка. Па-першае, стабільнае эканамічнае і палітычнае становішча, па-другое, высокакваліфікаваныя кадры. Усё гэта прыцягвае ў краіну патэнцыяльных інвестараў.

Кіраўнік інвестыцыйнай кампаніі Нік Лазанас ужо некалькі гадоў супрацоўнічае з Беларуссю. Удзельнічаў у праектах, звязаных з фармацэўтыкай, касметыкай, аўтаматызацыяй. І сёння ў планах новыя кірункі.

Нік Лазанас, кіраўнік інвестыцыйнай кампаніі ARCLIF GROUP AG: Пасля прыходу да вас General Motors і Citroen наступны мой праект будзе звязаны з машынабудаваннем. Мне вельмі падабаецца працаваць з Беларуссю. Там усё атрымліваецца, ніхто не перашкаджае рабіць бізнес, вялікая падтрымка з боку дзяржавы.

Аб тым, што адна з ключавых задач знешняй палітыкі - пошук рынкаў і павышэнне іміджу краіны, у тым ліку за кошт продажу тавараў, Аляксандр Лукашэнка гаварыў на сустрэчы з беларускімі дыпламатамі. Яна прайшла ў ліпені гэтага года. Тады Кіраўнік дзяржавы даў прамое даручэнне і МЗС, і ўраду прывесці да ладу ўсю экспартную сетку Беларусі. А таксама звярнуць асаблівую ўвагу на прыцягненне замежных інвестыцый у нацыянальную эканоміку.

Аб тым, што супрацоўнічаць з Беларуссю хочуць і гэта эканамічна выгадна, гавораць шматлікія бізнес-форумы, якія праводзіць наша краіна. Усяго на працягу некалькіх месяцаў - Нью-Ёрк, Парыж, Швейцарыя, літаральна праз тыдзень беларускія бізнесмены адпраўляюцца ў Лондан і Вену. А гэта новыя кантракты і ў першую чаргу - магчымасць адкрыць найбуйнейшым фінансавым цэнтрам свету сучасную Беларусь і яе патэнцыял.


Папулярныя

Рэкамендуемыя