Беларусь мае намер пашырыць пастаўку сельгаспрадукцыі адразу ў некалькі рэгіёнаў Расіі, а таксама выйсці на новы этап па абмене вопытам з замежнымі калегамі. Вынікі міжнароднага сельскагаспадарчага форуму "Белагра" ўражваюць. У афрыканскі Судан адправяцца дзве сотні беларускіх трактароў вытворчасці МТЗ. А Магілёўскі мясакамбінат будзе пастаўляць прадукцыю ва Уладзівасток і Кітай. У сваю чаргу азербайджанскі бок выказаў зацікаўленасць пераняць вопыт Беларусі па ўкараненні сістэмы ідэнтыфікацыі жывёл і развіцці сельскіх тэрыторый. Таксама ў Баку плануюць накіроўваць больш моладзі на навучанне ў беларускія аграрныя ВНУ. У пашырэнні асартыменту паставак і ў абмене вопытам па развіцці зборачнай вытворчасці беларускай сельгастэхнікі зацікаўлены і Таджыкістан.
Дасягнутыя дамоўленасці таксама і на ўнутраным рынку. Напрыклад, на прадстаўлены "Амкадорам" новы 12-метровы сеяльны агрэгат "Верас" ужо паступаюць заказы з усёй краіны. Толькі Мінская вобласць мае намер закупіць сотню новых сеялак. Маштабны сельскагаспадарчы форум "Белагра" сёлета ўпершыню праходзіў у індустрыяльным парку "Вялікі камень". Яго наведалі дэлегацыі з 10 краін і 6 рэгіёнаў Расіі.
Вынікі "Белагра-2021": пашырэнне экспарту і новы этап у абмене вопытам
6 июня 2021
