Заўтра самая чаканая падзея ў дзелавым жыцці Беларусі. Асамблея дзелавых колаў аб'яднае на адной пляцоўцы чыноўнікаў, бізнесменаў, экспертаў, кіраўнікоў бізнес-саюзаў. Гэта першая маштабная сустрэча такога роду пасля прыняцця ліберальнага пакета дакументаў па спрашчэнні працы прадпрымальнікаў і падстава абмяняцца меркаваннямі, наколькі дзейснымі атрымаліся законы, якіх далейшых крокаў ад урада чакае бізнес. Але ўжо сёння прадпрымальнікі разлічваюць, што ўслед за зніжэннем адміністрацыйнай нагрузкі можа адбыцца падатковая лібералізацыя. Тым больш што да канца года даручана дапрацаваць Падатковы кодэкс краіны.
Ці гатовыя супрацоўнікі падатковых органаў пайсці бізнесу насустрач? Пазіцыю фіскальных органаў даведаемся ў намесніка міністра па падатках і зборах Святланы Шаўчэнкі. А таксама нагадаем, што ў Беларусі завяршаецца штогадовая кампанія па дэклараванні даходаў.
