Тым часам Грузія на гэтым тыдні стала пляцоўкай не толькі канцэртнай, але і месцам, дзе заключаюцца шматмільённыя кантракты. Так, у Тбілісі запусцяць вытворчасць магілёўскіх ліфтаў, хутка там можа з'явіцца гандлёвы дом Беларусі, а ў Мінску плануюць адкрыць магазін з грузінскімі таварамі.
Папоўніў партфель пагадненняў кантракт на закуп беларускага соладу. Размова аб суме ў мільён долараў. Дамовіліся і аб адгрузцы сельгастэхнікі. Да канца 2017-га Бабруйскаграмаш павінен паставіць у Грузію 120 адзінак сваіх машын. Ёсць папярэднія дамоўленасці на наступны год.
Графік беларускай дэлегацыі на чале з віцэ-прэм'ерам Міхаілам Русым быў насычаным. Пытанні гандлёва-эканамічнага супрацоўніцтва паміж дзвюма краінамі абмяркоўвалі на тыдні і ў грузінскім урадзе, і з бізнес-партнёрамі.
Нягледзячы на гэта, напярэдадні Дня работніка сельскай гаспадаркі і перапрацоўчай прамысловасці, які адзначаецца ў краіне сёння, Міхаіл Русы знайшоў час і для размовы з нашай здымачнай групай.
Дарэчы, давай павіншуем усіх, хто мае дачыненне, з прафесійным святам!
Безумоўна, віншуем і пагаворым аб перспектывах прыбытковай для нашай краіны галіны. Якія глабальныя мэты ставім у АПК, ці захаваем аб'ёмы паставак на расійскі рынак? Аб гэтым і не толькі прама зараз у эксклюзіўным інтэрв'ю з віцэ-прэм'ерам (відэа).
Той, хто паглядзіць архіўныя кадры, скажам, 20-гадовай даўнасці, - аб тым, у якіх умовах працавалі аграрыі, будзе шчыра здзіўлены. Асабліва маладое пакаленне, якое, напэўна, і не памятае, якая разруха ў 90-ых панавала ў сельскай гаспадарцы. Але парадак навялі, з'явіўся і вынік, хоць, як гаворыцца, няма мяжы дасканаласці.
