Беларусы да якасці сваёй "малочкі" і іншых прадуктаў прывыклі. Сельгасвытворцы - заўсёды, нібы пад лупай: увага дзяржавы вялікая. А любыя пытанні вырашаюцца адкрыта і без прамаруджвання.
Вось адно з такіх. Да 31 мая ў краіне не павінна застацца ніводнага сельскагаспадарчага вытворчага кааператыва. Указ Прэзідэнта № 349 "Аб рэарганізацыі калгасаў", тых самых СВК, быў падпісаны яшчэ 17 ліпеня 2014-га. З пачатку лета гаспадаркі стануць акцыянернымі таварыствамі з дзяржаўнай формай уласнасці. Павінны стаць. Але, па факце, канфлікт інтарэсаў. Характэрна, што найболей паспяховыя і моцныя гаспадаркі не спяшаюцца мяняць статус, разгледзеўшы ў рэарганізацыі вялікія праблемы.
Аргумент. Гэта можна было б спісаць на асабістыя амбіцыі канкрэтных кіраўнікоў.
У ліку нязгодных - сапраўды лепшыя гаспадаркі, флагманы аграрнага сектара. Невыпадкова падчас Вялікай размовы з Прэзідэнтам пытанне, паднятае сенатарам і кіраўніком агракамбіната "Сноў" Мікалаем Радаманам, Кіраўнік дзяржавы бярэ на кантроль і даручае аб'ектыўна ва ўсім разабрацца.
З Мікалаем Радаманам мы вырашылі сустрэцца не ў студыі "Галоўнага эфіру", а на яго тэрыторыі, у агракамбінаце "Сноў", разлічваючы такім чынам на адкрытую гутарку.
