Мінскі маторны завод пашырае вытворчасць. Сёння філіял прадпрыемства ў Стоўбцах запусціў на пробу новы ўчастак. Ён дазволіць паставіць на паток дробнасерыйнае чыгуннае ліццё. Гэта важны складальнік новых мадэляў рухавікоў. З інспекцыяй на заводзе сёння пабываў кіраўнік Камітэта дзяржкантролю. Увага да прадпрыемства невыпадковая: праект інавацыйны. У яго аснове высокадакладная тэхналогія, якая да таго ж забяспечвае высокую трываласць прадукцыі і зніжэнне яе сабекошту. Раней многія камплектуючыя завод завозіў па імпарце. Паўнавартасны запуск вытворчасці дазволіць адмовіцца ад дарагіх замежных закупак. А гэтае ключавое патрабаванне для нашых машынабудаўнікоў, падкрэслілі ў дзяржкантролі.
Імпартазамяшчэнне вырашыць адразу некалькі задач: патанніць прадукцыю, сэканоміць валюту, створыць новыя рабочыя месцы (філіял у Стоўбцах ужо даў працу 50 мясцовым жыхарам).
Цікавасць да новай лініі ўжо выявілі шматлікія беларускія машынабудаўнікі. Сярод замежных заказчыкаў найбуйнейшы нямецкі канцэрн Bosch.
Інавацыйны праект Мінскага маторнага завода
29 января 2020