Гатовы праект указа па стымуляванні развіцця малога і сярэдняга бізнесу

6 Сакавіка 2017

Мараторый на праверкі на чатыры гады і шырокія падатковыя льготы для гандлю, грамадскага харчавання і бытавога абслугоўвання. Міністэрства антыманапольнага рэгулявання і гандлю падрыхтавала праект указа, які будзе стымуляваць развіццё малога і сярэдняга бізнесу.

Зараз дакумент узгадняюць з усімі профільнымі ведамствамі. З прапаноў, напрыклад, магчымасць прадпрымальнікам самім вызначаць рэжым працы аб'ектаў, за выключэннем тых, што адкрытыя ў начны час. Прадугледжваюцца значныя падатковыя льготы для бізнесу ў малых гарадах і на сяле. Так, невялікія крамы, гандлёвыя палаткі, майстэрні і атэлье будуць мець права не плаціць ПДВ і падатак на прыбытак, а ІП - падаходны падатак з фізасоб. Яшчэ адно новаўвядзенне: для перапланіроўкі памяшканняў прапануюць адмяніць праектна-каштарысную дакументацыю, калі не закранаюцца апорныя канструкцыі. Мараторый на планавыя праверкі міністэрства гатова ўвесці да 2020 года, захаваецца толькі кантроль з боку санітарных і пажарных службаў. Прапановы агучылі на першым пасяджэнні грамадска-кансультацыйнага савета, дзелавая супольнасць дакумент падтрымала. Поўнасцю праект указа павінен быць гатовы да 1 мая.


Папулярныя

Рэкамендуемыя

Зараз чытаюць

Рэкамендуемыя