Беларусь нарошчвае прысутнасць у расійскіх рэгіёнах. Сёння ў Краснадары заклалі капсулу на месцы будаўніцтва мультыбрэндавага гандлёва-сэрвіснага цэнтра беларускай тэхнікі. Ён будзе аб'ядноўваць у сабе не толькі продаж трактарнай тэхнікі і ўсіх спадарожных агрэгатаў, але і сэрвіс, суправаджэнне і капітальны рамонт.
Як адзначыў прэм'ер-міністр Раман Галоўчанка, гэтае месца стане цэнтрам прыцягнення для ўсіх працаўнікоў АПК не толькі Краснадарскага края, але і ўсіх найбліжэйшых рэгіёнаў. Будучыя праекты края прадоўжылі абмяркоўваць падчас рабочай сустрэчы.
Беларусь і Краснадарскі край дамовіліся працаваць яшчэ над адной маштабнай праграмай - укараненнем электратранспарту ў курортных зонах. Абмяркоўвалася таксама супрацоўніцтва ў сферы будаўніцтва.