У актыўную фазу ўзаемадзеяння ўступаюць і кантакты ў харчовай галіне дзвюх краін. У верасні лідары Беларусі і Узбекістана дамовіліся аб прамысловай кааперацыі і новых магчымасцях для павелічэння тавараабароту. Сёння ж у рамках Міжнароднай выставы-кірмашу "Прадэкспа" бакі змаглі
ацаніць сумесны патэнцыял на ўзроўні вытворцаў, абмяняцца вопытам і, вядома, асабіста пакаштаваць на смак нацыянальныя брэнды. Беларусь - экспартна-арыентаваная дзяржава, геаграфія паставак з кожным годам пашыраецца. Наша прадукцыя ўжо вядомая амаль у 90 краінах свету.
Аб тэндэнцыях у харчовай індустрыі - падрабязней Вікторыя Антоненкава.
Сёлета фармат выставы змяніўся. Зараз асноўны ўпор - на дзелавую праграму. І гэта лагічна. Бо галоўная мэта такіх мерапрыемстваў – гэта асваенне новых рынкаў і заключэнне новых кантрактаў.
З сур'ёзнымі намерамі на галоўны форум харчовай прамысловасці прыйшла кандытарская фабрыка з Узбекістана. У Беларусі вытворцы ўпершыню, аднак вопыт у кампаніі вялікі: на экспарт ідзе каля 80 % прадукцыі.
Марку эфектыўнай бізнес-пляцоўкі форум трымае ўжо больш за 20 гадоў, і штораз пашырае гарызонты супрацоўніцтва. Сёлета склад удзельнікаў папоўніўся і кампаніямі з Малдовы. Адразу шэсць найбуйнейшых экспарцёраў свежай і перапрацаванай садавіны прапанавалі сваю прадукцыю. У планах - абмеркаваць з беларускім бокам круглагадовыя пастаўкі і ўзаемавыгаднае цэнаўтварэнне, а таксама магчымасці супрацоўніцтва. Да таго ж, што такі вопыт у малдаўскіх экспарцёраў ужо ёсць.
У гэтыя дні на выставе "Прадэкспа" прадстаўлена ўсё багацце айчыннага малочнага, мяснога і хлебнага рынку. І, вядома, беларускіх экспанентаў на форуме большасць. Пры гэтым прадстаўлены, як буйныя кампаніі, так і дробныя вытворцы, але на экспартныя магчымасці гэта ніяк не ўплывае.
Геаграфія паставак пашыраецца кожны год. Сёння мы экспартуем амаль у 90 краін свету. Малочную прадукцыю ведаюць ужо ў 50 дзяржавах, мясную і хлебабулачную прадукцыю ў 20.
Галоўны форум харчовай прамысловасці аб'яднаў у Мінску каля сотні беларускіх і замежных вытворцаў. Выстава праходзіць у Футбольным манежы і прадоўжыцца па 26 кастрычніка. У праграме адукацыйныя семінары і канферэнцыі, шматлікія дэгустацыі, кулінарныя спаборніцтвы і прафесійныя конкурсы на званне найлепшых кандытараў.
