І яшчэ адзін крок наперад у развіцці беларуска-расійскага ўзаемадзеяння, але ўжо на ўзроўні сталіц дзвюх краін. Сумесны форум дзелавога супрацоўніцтва з удзелам мэраў Мінска і Масквы Андрэя Шорца і Сяргея Сабяніна адкрыўся сёння.
Так, ужо ў 2017 годзе агульны аб'ём харчавання, які наша краіна паставіць у расійскую сталіцу, складзе 250 тысяч тон. Акрамя таго, прадоўжацца і пастаўкі нашай дарожна-камунальнай тэхнікі ў Маскву. Пляцоўка аб'яднала амаль 200 бізнесменаў і прадстаўнікоў буйных кампаній. Дарэчы, тут жа былі падпісаныя і 4 пагадненні аб супрацоўніцтве паміж беларускімі і маскоўскімі прадпрыемствамі.
І сёння ж Андрэй Шорац і Сяргей Сабянін прынялі ўдзел у выставе "Белагра-2016". Госці зацікавіліся новымі мадэлямі тэхнікі, прычым як сельскагаспадарчай, так і дарожна-будаўнічай. Асаблівую ўвагу выклікала новая мадэль гарадскога трамвая ад кампаніі "Штадлер-Мінск". Па выніках рабочых сустрэч кіраўнікі сталіц падпісалі план праграмных мерапрыемстваў па развіцці гандлёва-эканамічнага, навукова-тэхнічнага і сацыяльнага супрацоўніцтва да 2018 года.
Вялікім і яркім фінальным акордам стала цырымонія адкрыцця Дзён Масквы ў Мінску. Як адзначыў у сваім выступленні Сяргей Сабянін, у Мінску пануе дзіўная атмасфера, гасціннасць і настрой на працяглае супрацоўніцтва. Асобна мэр Масквы падзякаваў беларускім вытворцам сельгаспрадукцыі, машынабудаўнікам і метрабудаўцам. Хэдлайнерам урачыстага вечара стаў знакаміты народны хор імя Пятніцкага.
