Еўрасаюз выдзеліць больш як мільён еўра на рэалізацыю другога ў Беларусі праекта праграмы Твінінг

Яго рэалізуе Нацыянальнае кадастравае агенцтва Дзяржкаммаёмасці сумесна з калегамі з Нідэрландаў і Іспаніі. Праект накіраваны на абмен вопытам, стварэнне адзінай інфармацыйнай сістэмы, удасканаленне зямельнага заканадаўства. Тэрмін рэалізацыі 2 гады.  У наступным годзе ў Беларусі могуць стартаваць яшчэ 3 праекты па праграме Твінінг. Цікавасць да падобнага супрацоўніцтва з Еўрасаюзам выказалі Дзяржпагранкамітэт, МНС, а таксама Нацыянальны статыстычны камітэт.