Сёння ў Мінску, аб гэтым заявіў прадстаўнік Еўракамісіі, адкрываючы праграму найбуйнейшага беларускага форуму. Ён прысвечаны будучай стратэгіі прыцягнення ў краіну замежных інвестыцый і праходзіць пры шырокім удзеле міжнародных фінансавых інстытутаў. Як было адзначана, у нашай краіне прыкметныя паляпшэнні ў прыватным сектары. Станоўчым сігналам для інвестараў стала і ўвага ўлад да малога і сярэдняга бізнесу, якая ўзрасла. Еўрачыноўнік падкрэсліў, што гэта стварае перадумовы для нарошчвання фінансавання ў эканоміку Беларусі.
Васіліс Магарос, кіраўнік аддзела генеральнага дырэктарата па суседстве і перамовах аб пашырэнні Еўракамісіі:
"Мы шчыльна працуем з урадам Беларусі, каб укладанні ў эканоміку для замежнага капіталу былі максімальна прывабныя. Досыць высокі інтарэс да беларускай прамысловасці, перапрацоўкі, інфраструктурных праектаў. Але гэта заўсёды сумесная праца па паляпшэнні інвестклімату на карысць нашага супрацоўніцтва. Гэта, дарэчы, у цэлым умацуе беларускую эканоміку".
Па выніках форуму ў Беларусі з'явіцца дарожная карта па паляпшэнні інвестыцыйнага клімату. Яна прадставіць прапановы як замежных інвестараў, так і прыватнага бізнесу. Чакаецца, што дакумент стане арыенцірам для ўрада па карэкціроўцы эканамічнай палітыкі Беларусі.
